21 февраля 2025, 21:45
Къе, 2025-йисан 21-февралдиз, Вири дуьньядин хайи ч1аларин йикъаз талукьарнавай, Сулейман Стальский районда тухун адет хьанвай, "Лезги шаирринни писателрин яратмишунра ватанпересвилин тема" т1вар ганвай 13 лагьай Илимдинни тежрибадин конференция кьиле фена.
И конференцияда Агъа-Ст1алрин юкьван мектебдин директор Махмудов Ф.А., лезги ч1алан муаллимар Небиева З.Т., Исаева Ф.Б.,Саидгасанова З.С., Ферзилаева М.Ш. ва хайи ч1алал шиирар к1елдайбурун арада призерар хьайи 10-классдин ученица Гамзатова Сарайханума, 7-классдин ученица Миримова Хакимади иштиракна.
Конференциядал лезги ч1алан ва литературадин муаллим Ферзилаева М.Ш. Агъа-Ст1алрин юкьван мектебдиз вичин т1вар ганвай Ст1ал Мусаибан уьмуьрдин ва яратмишунрин рекьиз бахшнавай доклад к1елна.
Фотографии
